Taserallup "Baby Bio" atuutsilissavaa

Angajoqqaanngorlaanut meerartaareernerup kingorna suli sulinngiffeqartunut immikkut neqeroorutitut Taseralik Bio-p " naalungiarsuutilinnut filmertarfik" atuutsilissavaa.

• - Angajoqqaanngorlaat arlalipparujussuit ullaap tungaani Taseraliliartarput, taakkulu ilaasa oqaloqatigisarneranni isumassarsisimavugut filmigassanik piffissami angajoqqaanngorlaanut naleqquttumi neqerooruteqartalerniarluta, Arnajaraq Støvlbæk oqarpoq.
• -
• - Taamaattumik marlunngornikkut ullaap tungaani nal. 11.00 misilillugu filmertitsisalissaagut, qaammammut immaqa marloriarluta. Siullermeerluta filmertitsissaagut 28. April nal. 11.00, filmi "Revolutionary Road" takutissagatsigu, Leonardo DiCaprio-mit inuttaaffigineqartoq.
• - Misileraanerussaaq, iluatsissappallu ukiup sinnerani ingerlatiinnarsinnaassavarput. Filmeriarusuttut allat aamma tikilluaqqusaassapput, eqqaamaneqaannassaarli filmernerup ingerlanerani akornusersorneqarsinnaasarnissaq, aamma immikkulaaq piumasaqaatitaqartussaammat. Piffissalli ingerlanerani pitsanngorsaajuarumaarpugut. Baby Bio malittarisassat piumasaqaatillu nittartakkatsinni ataavartumik malinnaaffigineqarsinnaassapput, tassanissaaq aamma takuneqarsinnaapput suut filmerneqassanersut, aaqqissuussinernut pisortaq Arnajaraq Støvlbæk naggasiivoq.
• -

Taseralik info

17. april 2008

** ** **

Revolutionary Road

USA-mi 1950-ikkunni April Frankilu immikkut inuttut unittooqqapput. Iliuuseqarfiginiarlugu aalajangerput Frankrigimullu angalanissartik pilersaarusiorlugu aallartipput. Pilersaarulli taanna aamma ilaqutariittut inuunermut kingunerluuteqarpoq.

119 min. Drama. 11-leereersimasunut.

Ilitsersuisoq: Sam Mendes

Peqataasut: Leonardo DiCaprio, Kate Winslet, Kathryn Hahn, Kathy Bates, Michael Shannon, Zoe Kazan, Ty Simpkins, Ryan Simpkins, Kristen Connolly, Dylan Clark Marshall.

** ** **