Taseralik decemberimi
Juullip qaammaataa aallartikatareerporaasiit. Juulleriartorneranilu Taseralimmi misigisassanik isigisassanik tusagassanillu nuannersumik, tamulugassanillu illinnartunik neqerooruteqarpuguttaaq.
Inuuneq Storch saqqummersitsissaaq
Inuuteqa Storch assilisaminik saqqummer-sitsinera 4.december unnukkut nalunaaqutaq 21.00 ammaanersiussavarput. Inuusuttup suliai inuusuttunut naleqquttumik ammaanersior-niarparput. Ammaanersiuinermi aliikkusersuiqa-taassapput Ujarneq, Tuilik aamma DJ Kurt. Qaaqqusat saniasigut inuusuttut soqutiginnittut discoriarsinnaapput isilernermi 40,- nimik akiliilaarlutik. Taserallup paarlersuani ammaanersiorneq aamma qitik nal. 01.00-ip tungaanut ingerlanneqassaaq. Inuuteq Storch assiliisartuuvoq, assilisanillu suliareqqillugit pissanganartunngortittarpai. Aamma taalliortuuvoq. Inuusuttoq piumassuseqarluartoq nuannaartorinartoq HTX-mi ilinniartoq. Qularnanngilaq Inuuteq Storch eqqumiitsuliornikkut kulturimillu suliaqarnerup iluani siunissami tusarfigeqqittarumaaripput. Inuuteq pillugu allaaserisavut allat innersuussutigissavakka.
Inuutik saqqummersitai 20 decemberip tungaanut Taseralimmi takuniarneqar-sinnaapput. Saqqummersitsineq Namminersortunit aamma J.Z. Konditoriimit aningaasaliiffigineqarpoq.
Erinarsoqatigiit Juullerpalaartunik tusarnaartitsisut
Sapaassuit aappaanni 6. december erinarso-qatigiit Maniitsumeersut" Inuusuit Nipaat" Taseralimmi juullerpaluttunik tusarnaarti-tsissapput. Tamanna pissaaq nal. 14.00. Tusarnaartitsinermi erinarsoqatigiit Sisimiormiut Erinaq, Noqarteq aamma Sikkersut peqataassapput. Iserneq meeqqanut, ilinniartunut utoqqalinersiuti-linnullu 30,-kr-neqarpoq inersimasunullu 40,- kr.
Nuannissaqaat bilitsinik nunguussaaru-sunngikkussi pisiniajaartariaqassaasi. Eqqaamallugu bilitsit inniminnikkat 45
minutsit sioqqullugit aaneqareersima-sussaammata taamaanngippat allanut tuniniarneqarsinnaalertarmata.
Juullerpalaarneq orpiliamillu pinnersaaneq
13 december nal. 13.00-imiit 16.00-mut Taseralimmi juullerpalaartitsisoqassaaq. Orpiliaq Pisiffimmit tunniunneqarsimasoq meeqqat pinnersarsinnaavaat namminneq pinnersaatissanik sanallutik. Pinnersaasiassat Taseralimmi piareersimassapput. Ulloq taanna Santa Lucia-p ulloraa, Nalunnguar-fiullu Atuarfiani atuartut ilaat Taseralimmut Santa Luciariarlutik tussiarfigissavaatigut nal. 13.30. Sisimiuni nipilersornermik ilinniarfiup Serraviup ilinniartuisa ilinniartitsisuisalu ilaasa juullerpaluttunik tusarnaartissavaatigut nalunaaqutaq 14.00-imiit
Filmi Nuummioq
Nunatsinni namminermit filmiliat pisimasuu-saartitat siullersaat Nuummioq Taseralimmi takuteqqaarneqassaaq 5. december nal. 16.00.
Malik filmimi inuttaasoq allatulli nalinginnaa-sumik inuuneqarpoq,Nuummilu sanasutut sulisuulluni. UlluinnarniMaliup inuuneranut akuupput ikinngutai, ilaqutaalu. Malilli
arnamik nuannersumik naapitseruttornermini paasitinneqarpoq kræftilersimasoq, tassalu toqqagassinneqarpoq qallunaat nunaannu-karsinnaaneranik inuunini ukiunik
amerlanngitsunik sivitsortinniarlugu imaluunniit nuummiiginnarsinnaalluni taamaasillunilu qaammatini ikittuinnarni inuusinnaasalluni. Malik kammalaataalu Michael Nuup kangerluata qinnguanut aallaarsimaarniarlutik aaliangerput meeraanerminni aasaanerani najortarsimasatik najorniarlugit. Ikinngutigiit Malik aamma Michael aallaarsimaarnerminni inunnik naapitsipput, naapitaasalu inuunermut aammalu toqumut isiginneriaasaannut allannguitillugit. Inuttarai Lars Rosing, Angunnguaq Larsen, Julie Berthelsen, Morten Rose, Maariu Olsen, Makka Kleist aamma Amos Egede. Otto Rosing aamma Torben Bech ilitsersuisuupput. Nuummioq Taseralimmi 5,6,8 aamma 9 december isiginnaarneqar-sinnaavoq. Filmi taanna Sundance Filmfestivalimi USA-mi aappaagu peqataatinneqartussaavoq.
New Moon, Luftkastellet der blev sprængt aamma Arthur og Maltazars hævn.
Juulleriartorneranut filmigassat allat pissanganartut www.taseralik.gl -mi malinnaaffigisinnaavatit.
Filminik tikisitsisarnerput Air Greenlandimit tapiiffigineqartarpoq.
Pivorli - isiginnaagassiaq juullerpaluttoq
Isiginnaagassiaq meeqqanoortoq juullerpaluttoq ukioq manna Taseralimmi isiginnaartitsissutaasartuni naggataarutigissavarput.
"Pivorli" meeqqanut minnernut sisamanik ukioqalereersimasunut naleqqussagaalluni isiginnaagassiaavoq.
Amerlasuut nalunngilaat juullip ivankiili-uavata oqariartuutaa biibilimi allaaserineqartoq. Isiginnaagassiami isiginnaartitsoq ataasiinnaavoq, inuttaralu Miki Thomsen. Meeqqanullu paasinartun-ngorlugu oqaluttuarissavai itsarsuaq pisimasuutitat kunngissap inunngornissaanik profiiitip siulittueqqaarneranit, Kunngersuit pingasut ulloriarsuaq naleraralugu Betlehem-imut tikinnerannut, Kunngi Herodasersuaq, Romamiut Israelimik tiguaaqqasut siunissamut aarlerinerannut, kiisalu Jesusinnguaq inunngulermat Inngilik unnuaakkut takkunnerat, Jesusinnguullu inunngornerata inuinnarnit qanoq misigineqarnera, juullillu eqqissinissamik oqariartuutaa.
Isiginnaartitsisartoqatigiit Silamiut juullimut isiginnaartitsissutiliaat "Pivorli" Taseralimmi 16,17,18 december takuteqattaarneqassaaq sisamariarlugu. Taakkunannga pingasoriar-lugu pingasoriarlugu "matoqqasumik" meeqqanut meeqqerivimmiunut annernut atuartunullu minnermut. Tamanut ammasumik takutinnissaa pilersaarusiorpar-put 16. december, nal. 19.00. Neriuppugut iluatsissallutigu. Isiginnaartitsissutip tikisinnissaanut Tips- & Lotto aamma Air Greenland tapiissuteqarput.
Cafe Taseralimmi sassaalliutigineqartartartut nutarterpavut. Sapaatit akunnikkaartumik neqerootaasartussat Sillermi malinnaaffigi-sarsinnaatit Taseralimmulluunniit takuniarlugit. Ullormi kissartunik ullup qeqqanut sassaalliuteqaqqittalerpugut juullerpaluttunillu æbliskivitorusukkuit pisuttuarlutit killeqqutileraangavit alakkartarniarna.
Taseralimmik atuisartuvut tamaasa juullimut piareersarluarnissaannik kissaallugit inuulluaqqusivugut.
Sulisut sinnerlugit
Juaaka Lyberth
Pisortaq