”Arraa, soormi ” – påskemi illarnartut    PDF

Nunatsinni tissisaarillaqqinnerpaat Piitannguaq Alaufesen aamma Valerius Nielsen Taseralimmi påskikkunni illarnartunik aliikkusersuiniarput.

Taseralimmut qassimiuvaariartartut amerlasuut eqqaamassavaat Taseralik atoqqaartinneqarmat kingornatigullu Piitannguaq Alaufesenip aliikkusersuisaqattaarneri nuannarineqaqisut, inersuarlu ulikkaartaqattaaginnartarlugu.

Aliikkusersuillaqqissuaq taanna Piitannguaq Alaufesen Taseralimmi aliikkusersueqqinnialerpoq, tamatumuunakkut qangaanerusoq aliikkusersueqatigisarsimasani Valerius Nielsen peqatigalugu.

Qulequtserlugu ”Arraa soormi – påskikkunni illarnartut” Piitannguaq Valeriusilu aliikkusersuissapput sisamanngornermi illernartumi 9. april, ulloq taanna pingasoriassallutik.

Meeqqanut qulequtserlugu ”kammaaqqaakkut” aallarniutigissavaat nalunaaqutaq marlunut, minutsinik 45-nik sivisussuseqartussaq. Malitsiinnarlugulu nalunaaqutaq sisamanut aamma unnukkut arfineq pingasunut inersimasunut aliikkusersuisoqassaaq qulequtserlugu ”arraa soormi”, tamarmik immikkut nalunaaquttap akinnerisa aappaat qeqqanik sivissussuseqartussat.

 Aliikkusersuuteeqqat assigiinngitsut pisoqqat nutaanik poorlugit allallu nutaarluinnaat tissinartut takutinneqassapput, qularutissaanngitsumik illarnartunik nuannarisalinnut annuffiunavianngitsut.

 Påskimi illarnartut aliikkusersuisussat nammineq Taseralik suleqatigalugu aaqqissuussaraat. Isissutissat pisiarineqarsinnaalereerput Taseralimmi.

 Meeqqanut akia 50,- kr. Inersumasunut 80,- kr.

 Paasisaqarnerorusukkuit aaqqissuusinernut pisortaq Arnajaraq Støvlbæk attavigisinnaavat

Tlf. 86 28 02 /48 28 02, e-mail: as@taseralik.gl

Nuannisarluarisi

Taseralik info