Artmoney-mik eqqumiitsuliortoq Jonas Molbæk 14. november saqqummersitsissaaq Taseralimmi
Eqqumiitsuliortoq, Artmoney-mik eqqumiitsuliornermik ingerlatsisoq Jonas Molbæk, Sisimiuni najugaqartoq Taseralimmi saqqummersitsissaaq 14. novemberimiit 15. decemberimut
Jonas Molbæk ilinniartitsisuuvoq, qalipaanermik imminut ilinniartissimasoq, arlalippassuariarlunilu Danmarkimi saqqummersitsisareersimavoq aamma illunik kusassaanernik suliaqartarsimalluni.
Qalipaanerup eqqumiitsuinik misileraasuuvoq, stencils aamma blindkontur atorlugu qaleriiaarilluni qalipaatinik akoorisarpoq titarnerillu ilisarnaatigai. Qalipakkamigut nunarsuatsinni pisunik eqqumiitsunik, ingasattajaartunik kusanartunullu oqaaseqaatitut ipput, nunarsuatta eqikkaluttuinnarnerata pilluaqqussutaanut perloqqussutaanullu, kulturikkullu akulerulluta aatsinneqartutut innitsinnut.Nunarsuatsinni avatagiisitsinnut inuunermullu qinnagassarinnissutaap-put.
Jonas Molbæk-ip, eqqumiitsulioqatigiinni Art Money-mi ilaasortaasup saqqummersitsinera ammarneqassaaq tallimanngornermi 14. november, nal. 16.30. Jonas Molbæk-ip qalipakkani oqalugiaatigissavai, sapaammi 16. november ualikkut nal. 16.00 Sisimiuni kulturisiornernut atatillugu.