Inuinnarpalaartumik nuannersumillu inuuissiortitsineq

Taama nalilerneqarsinnaavoq Taseraliup ataatsimik ukioqalerluni inuuissiornera malunnartinneqarmat sapaammi 1. marts, 2009.

Ullup qeqqanulli matut kaffillernermut ammarmata inuit isaajuaannavipput Taseralimmik pilluaqqusiartortut, kaffisoriaatigalugu imminnut aliikkusersoqatigiikkiat. Kaffillernerlu kaffillernerit pissuissaaviattut ingerlanneqarpoq, tassa persuarsiunngikkaluarluni oqalugiarnertaqanngitsumillu kaffisoriaqatinik aliikkusersoqatigiinneq. Ullup ingerlanerani inuit 350-it missaat kaffisoriarput meeqqallu pullattakkanik Taseraliup ilisarnaataanik assitalinnik tuniorarneqarput.

Malitsigalugu piginnaanillit qaagitsimut tusarnaariat 200-it missarluinnaaniipput. Ilisarisimasatoqqat aliannaarfigineqartut tassaapput Fali Kleist, Pingasuusartut Gert D. Lennert Family, Juaakalu. Nutaatullu sassartuupput Kaalinguaq Siegstad, Pele Steenholt aamma tapiitsoq erinarsortartoq Klaus Berthelsen. Taakku erinarsuutitoqqanik nutaanillu tusarnaartitsipput namminnerlu taalliaminnik atuaallutik. Tusarnaariat nuannisavissorput “torrutiinnarlugu nipaannarmik” aliikkusersuinerm, tusarnaariallu nuannareqalugu aliannaarfigivissorpaat Pele Steenholt-ip aliikkusersuisartutoqaq qanganngoreersoq, nuannarineqaqisorli Kajistiaat Egede issuarlugu “illorput sissap qulinnguaniippoq” atormagu.

Taseralik info