Ataatsimeersuartarfik qaamasoq isikkivigissorlu

Taseraliup ataatsimeersuartarfia inunnut 60-inut inissaqarpoq. Ini marlunngortinneqarsinnaavoq, mikinermi 20-inik inissaqarluni anginermilu 60-inik.

Ataatsimeersuartarfik isikkivigissorsuuvoq Nalunnguarfiup tasiata killinganiilluni. Ukiumi qimussit, qamuteralaat, meeqqat sisoqqattut inuillu pisuttuartut saneqquasarput,  aasami taseq qeerlutuunik nuannarineqarluartarluni. Siunertaavoq aamma Sisimiormiut ikioqatigiillutik taseq kaajallallugu pisuttuartarfiliornissaat aammalu tulattarfeeraliornissaq qajartorsinnaanissamut umiaasarnissamullu piukkunnarluinnartumik.

Ataatsimeersuartarfiup atortussaasinnaasut tamaasa nutaajunerpaajusut pigai.  Saamiata-tungaani ininik teknikkimullu atortut attartornerup akii takuneqarsinnaapput. Aammattaaq sassaalliutit akii takuneqarsinnaapput.

Ataatsimeersuarnissamut, ataatsimiinnissamut, pikkorissartitsinissamut assigisaanullu inniminniinermi saaffissaq:

Kirstine Kreutzmann, Aaqqissuussinernut pisortaq / Tullersorti

E-mail: kk@taseralik.gl

Toqq. oq.: +299 86 28 02