Taseralimmi saqqummersitsineq
Taseralik ukiumut quleriarluni saqqummersitsisarpoq. Taakkunannga pingasut sisamalluunniit Sisimiuneersuusarput, marluk pingasulluunniit illoqarfinnit allaneersuusarlutik sinnerilu nunatta avataaneersuusarlutik.
Taseraliup siunertaani allassimasoq malinniarneqartarpoq: "Kulturikkut illorsuup Sisimiuni eqqumiitsuliat kulturimullu tunngasut siammarsaatissavai innuttaasunullu nunani issittuni nunanilu avannarlerni eqqumiitsulioriaatsit kulturikkullu inooriaatsit siammarsaatissallugit, matuma siuliani eqqartorneqartut aqqutigalugit."
Taseraliup pingaartippaa Kalaallit Nunaanni eqqumiitsuliornerup ineriartorneranut peqataanissani aammalu eqqumiitsuliortut nutaat tapersersussallugit. Aammattaaq pingaartippaa saqqummersitsinerit tamatigoortut ukiup ingerlanerani takutissallugit, pisinnaasarlu malillugu eqqumiitsulioriaatsit assigiinngitsut saqqummersissallugit.
Saqqummersitsinerit agguataarneqarneri siumoortumik pilersaarusiorneqartarput, Sisimiuni pisunut naleqqussarneqarsinnaasarlutik.
Saqqummersitserusuttut uunga attaveqarsinnaapput: Arnajaraq Støvlbæk, as@taseralik.gl, tlf.: 86 28 01